“2021-ci ilədək vaksin gözləməyin” - ÜST-dən bədbin PROQNOZ
Erməni politoloqdan Paşinyana XƏBƏRDARLIQ: - “Tarixi şok demək olar ki, qaçılmazdır”
Bəynəlxalq təşkilatlardan və konqresdən Azərbaycana - DƏSTƏK
Atam Bakıda “Ağdam bağı” salıb… - Ağdam köçkünü Teyyub Hüseynov
Kreml meyvə bazarındakı məsələyə münasibət bildirdi
20.07.2020 13:14
Bölmə:Siyasət 110 dəfə oxunub

"Rusiya Azərbaycan və Ermənistan arasındakı münaqişənin tez bir zamanda həllinə ümid edir, bu, Rusiya Federasiyasında bu ölkələrdən olanların emosional vəziyyətini normallaşdıracaq".

 

Versiya.az xəbər verir ki, bu sözləri Rusiya Prezidentinin mətbuat katibi Dmitri Peskov deyib. Peskov jurnalistlərə açıqlamasında Moskvada yaşayan və işləyən azərbaycanlılar və ermənistanlılar arasında ticarətlə bağlı yaranmış problemlərə Kremlin diqqət edib-etməməsi barədə sualı cavablandırıb:

"Bilirsiniz ki, Moskvada və ümumilikdə Rusiyada çox sayda azərbaycanlılar və ermənilər var və onların hamısı Rusiya Federasiyasının hörmətli vətəndaşlarıdır. Mən, miqrantlarla yanaşı, Rusiya Federasiyasının vətəndaşı olanları nəzərdə tuturam və hamısı cəmiyyətimizin dəyərli üzvləridir. Azərbaycan-Ermənistan sərhədindəki gərginliyin artması bu vətəndaşlarımızı laqeyd qoya bilməz və əlbəttə ki, onlar emosional olaraq reaksiyalarını göstərirlər ”.

Peskov Rusiya Federasiyasının hər iki tərəfi təmkinli olmağa, atəşkəsi bərpa etməyə və hər hansı bir zorakılığa son qoymağa çağırdığını xatırladıb. "Buna görə ümid edirik ki, bu vəziyyət ən qısa zamanda həll ediləcək və bununla da emosional fon da normal vəziyyətə qayıdacaq",-deyə o yekunlaşdırıb./Qafqazinfo