Prezident Qubadlıdakı məscidi sökənlərin cəzalandırılmasını tapşırdı
“Azərsu”dan içməli su probleminin həlli ilə bağlı yeni layihə - Fotolar
Azərbaycanda koronavirusdan ölənlərin sayı 4 mini keçdi
Hərbi Qənimətlər Parkına giriş ödənişlidir?
Ukrayna müharibə astanasında: - Zelenski Ərdoğanla görüşə tələsir
05.04.2021 11:33
Bölmə:Dünya 64 dəfə oxunub

Ukrayna prezidenti Vladimir Zelenski Donbassda vəziyyətin kəskinləşməsi, Rusiyanın sərhədə qoşun cəmləşdirməsi və irimiqyaslı müharibə riskinin artması fonunda Türkiyəyə səfər edəcək.

Versiya.az xəbər verir ki, Zelenskinin Ankaraya səfəri aprelin 10-da baş tutacaq.

Ötən gün aprelin 4-də isə Zelenski xanımı ilə birlikdə Qətərə rəsmi səfərə gedib. Qətər regionda Türkiyənin mühüm müttəfiqidir. Gözlənilir ki, tərəflər siyasi, ticarət-iqtisadi, investisiya əməkdaşlığını və hərbi-texniki sahədə əməkdaşlığı müzakirə edəcəklər.

Ukrayna prezidentinin Türkiyəyə səfərinin proqramı hələ açıqlanmır. Türkiyə prezidenti Rəcəb Tayyib Ərdoğan Ukraynanın ərazi bütövlüyünə və suverenliyinə birmənalı dəstək verir, Krımı Ukrayna ərazisi kimi tanıyır və bu ölkə ilə sıx hərbi-texniki əməkdaşlıq qurub. Bəlli olduğu kimi Ukrayna Türkiyədən “Bayraktar TB2” döyüş pilotsuz təyyarələrinin iri partiyasını alıb, habelə bu təyyarələrin birgə istehsalı barədə razılıq əldə olunub. (Virtualaz.org)

reklam