Minsk qrupunun məqsədi torpaqlarımızı əbədi işğal altında saxlamaq idi- Prezident
Qarabağda ev tikmək istəyənlərə faizsiz kredit verilsin! - TƏKLİF
İlham və Fərizə Sevgililər Günündə ziyarət olundu
Bakının bu ərazilərində su kəsiləcək
Qazini qucaqlayan polisin adı açıqlandı- Günün FOTOSU
02.06.2022 16:09
Bölmə:Günün Fotosu 1280 dəfə oxunub

Bu gün bir qrup Qarabağ qazisi Əmək və Əhalinin Sosial Müdafiəsi Nazirliyinin qarşısında əvvəlcə etiraz edib, daha sonra qurumun binasına daxil olaraq əlillik təyinatının düzgün aparılmaması ilə bağlı şikayətlərini bildirib. 

Qeyd edək ki, hadisənin videogörüntüləri sosial şəbəkələrdə də yayılıb və ciddi müzakirələrə səbəb olub. 

Bu müzakirələrdə böyük əksəriyyət nazirlik binasının daxilində olan polis əməkdaşlarının qazilərə qarşı təmkinli davranışını müsbət qiymətləndirib. Polis əməkdaşlarından birinin isə qazilərin gərginliyini azaltmağa çalışması, hətta əsəbi qazini qucaqlayıb sakitləşdirməsi daha çox təqdir olunub.

Bu epizodda yaşananlar - polisin qazini qucaqlayıb sakitləşdirməsi - baş verməsəydi, bəlkə də nazirlik binasında digər xoşagəlməz olaylara da şahid olacaqdıq. 

Hiddətlənmiş qaziyə qucaq açmaqla cavab verən, onu bağrına basan və bununla da insani rəftar nümayiş etdirən polis əməkdaşı sosial şəbəkələrdə nümunəvi işçi kimi qiymətləndirilib, onun atdığı addıma görə Daxili İşlər Nazirliyinə minnətdarlıq ifadə olunub.

Versiya.az-ın məlumatına görə, “günün fotosu”na həkk olan polis əməkdaşının adı da artıq ictimaiyyətə açıqlanıb. 

Bu, əslən Füzuli rayonundan olan, hazırda Yasamal rayonu Post Patrul Xidməti bölüyündə xidmət edən 1991-ci il təvəllüdlü Əliyev Fazəddin İslam oğludur. (Modern)

reklam