Minsk qrupunun məqsədi torpaqlarımızı əbədi işğal altında saxlamaq idi- Prezident
Qarabağda ev tikmək istəyənlərə faizsiz kredit verilsin! - TƏKLİF
İlham və Fərizə Sevgililər Günündə ziyarət olundu
Bakının bu ərazilərində su kəsiləcək
Füzulidə yas yerləri sadə formada təşkil olunur - Fotolar
20.06.2022 12:10
Bölmə:Sosial 1042 dəfə oxunub

Füzuli ictimaiyyətinin, rayon ağsaqqallarının, rayonun dindar insanlarının, ziyalıların birgə təşəbbüsünə əsasən artıq 8 ilə yaxındır ki, Füzuli rayonu ərazisində yas yerləri sadələşdirilmiş şəkildə təşkil olunur. Belə ki, yas yerləri israfçılıqdan, təmtəraqdan uzaq, tam sadə və rahat formada həyata keçirilir. Ehsan süfrələri halva, xurma, limon, qənd, çay, su, yuxa olmaqla yeddi əsas predmetlə açılır. 

Bu barədə Füzuli Rayon İcra Hakimiyyətindənn Versiya.az-a bildirilib.

Qeyd olunur ki, nəzərə alsaq ki, dinimizdə və müqəddəs kitabımız olan “Qurani-Kərim”də israfçılıq qəbul edilmir, bu addım dini baxımdan olduqca düzgün və vacibdir. Digər tərəfdən isə iqtisadi cəhətdən əhalinin rifahının qorunması üçün mühüm əhəmiyyət kəsb edir. Belə ki, son 8 ildə yas yerlərinin tam sadələşdirilmiş formada təşkil olunması nəticəsində rayon əhalisi 13 milyondan artıq vəsaitə qənaət edib. Rayon sakinləri  həmin vəsaiti digər sosial problemlərinin həllinə sərf ediblər. Əgər əvvəllər yas sahibi  3, 7, 40 və cümə axşamları üçün orta hesabla 9-10 min manat pul xərcləməli olurdusa, hazırda sadələşdirilmiş ehsan məclislərinə orta hesabla 500-1000 manat vəsait tələb olunur.

Rayon sakinləri bildirirlər ki, ehsan süfrələrinin sadə, təmtəraqdan uzaq keçirilməsi həm onların sağlamlığının qorunmasına – koronovirus və digər yolucucu xəstəliklərə yoluxmalarının qarşısını alır, həm də onlara maddi zərər vurmur, banklara, kredit təşkilatlarına borclu qalmalarına səbəb olmur. Rayonda ehsan məclislərindən toplanan vəsaitlə vətəndaşlar həm yas mərasimlərini təşkil edir, həm də mərhumun dəfn oluması, qəbirüstü abidəsinin düzəldilməsi və digər işləri yerinə yetirirlər.

 

 




 

reklam