Culia Gralou: “Arzu edərdim ki, ABŞ-ın Sietl Xərçəng Mərkəzində də belə şərait olsun”




Culia Gralou:


Sentyabrın 15-16-da Bakıda Azərbaycan Milli Onkologiya Mərkəzi (MOM) və Amerika Klinik Onkologiya Cəmiyyəti (American Society of Clinical Oncology, ASCO) tərəfindən təşkil edilmiş “Xərçəngin multidissiplinar beynəlxalq müalicəsi” mövzusunda ikigünlük beynəlxalq konfrans keçirilmişdir.


Konfrans ərəfəsində amerikalı qonaqlar Milli Onkologiya Mərkəzini gəzmiş, burada xəstələr üçün yaradılan şərait, müasir müalicə və diaqnostika metodları, modern innovasiyaların tətbiqi və Azərbaycanlı həmkarlarının iş təcrübəsi və əldə edilən uğurlarla yaxından tanış olmuşlar. ABŞ-dan gəlmiş alim və mütəxəssislər MOM-da əldə edilən nəticələrdən, yüksək texnologiyaların və nadir tibbi avadanlıqlardan məharətlə istifadədən, burada hökm sürən ciddi intizam və dünya standartları səviyyəsində reallaşdırılan prosedurlardan çox böyük heyranlıq və xoş təəccüb hissləri keçirdiklərini, Bakıda bu cür yüksək tibbi və texniki göstəricilərə malik Mərkəzlə tanış olacaqlarını heç xəyallarına belə gətirmədiklərini çox səmimi şəkildə etiraf etmişlər.



Xoş təəssüratlarını Azərbaycanın milli dövlət kanalına-AzTV-yə müsahibəsində açıqlayan ABŞ-ın Sietl Xərçəng Mərkəzinin direktoru, professor Culia Gralou demişdir:. “Milli Onkologiya Mərkəzində kliniki fəaliyyət, diaqnostika və

müalicələr zamanı tətbiq edilən elmi yenilikləri yüksək qiymətləndirirəm. Çox möhtəşəm Mərkəzdir. Arzu edərdim ki, ki, ABŞ-ın Sietl Xərçəng Mərkəzində də belə şərait olsun”.

Dünya şöhrətli professor sözünə davam edərək bildirmişdir: “Konfransın yüksək səviyyədə təşkilinə görə Milli Onkologiya Mərkəzinə minnətdarlığımı bildirirəm. Tədbir mütəxəssislər arasında əməkdaşlığın genişləndirilməsi, fikir və təcrübə mübadiləsinin aparılması, xəstələrə göstərilən onkoloji yardımın səviyyəsinin daha da təkmilləşdirilməsi baxımından xüsusi əhəmiyyət kəsb edir.

Biz Bakıda çox şeylər öyrəndik, buradan həddən artıq xoş təəssüratlarla gedirik. Qəti şəkildə əminik ki, Milli Onkologiya Mərkəzi bu uğurları ilə çox tezliklə nəinki MDB məkanının, hətta dünyanın ən məşhur və nüfuzlu səhiyyə oçaqlarından birinə çevriləcəkdir.”

Amerika Klinik Onkologiya Cəmiyyəti nümayəndəsi Vanessa Sarçet də Azərbaycan televiziyasına müsahibəsində professor C.Qralounun fikirlərinə öz ürək sözlərini əlavə etmişdir : “Biz MOM-un uşaq onkologiyası, şüa terapiyası, reanimasiya və intensiv terapiya bölmələrinə baş çəkdik, xəstələrin müalicəsi üçün tətbiq edilən müasir avadanlıqla tanış olduq, müalicə proseslərini müşahidə etdik. Milli Onkologiya Mərkəzində yaradılmış şərait bizə həqiqətən güclü təsir bağışladı.



Mərkəz ən müasir tibbi texnika ilə, o cümlədən mobil diaqnostika kompleksi ilə təchiz olunub. Burada gördüklərimiz belə güman etməyə əsas verir ki, Azərbaycan hökuməti ölkədə səhiyyə sahəsinə sanballı sərmayə qoyur, zəngin maddi-texniki bazaya və güclü kadr potensialına malik olan Milli Onkologiya Mərkəzi isə dünyanın aparıcı onkologiya mərkəzləri ilə müqayisə edilə bilər”.

Vanessa Sarçet daha sonra demişdir: “Bizə verilən məlumata görə, Milli Onkologiya Mərkəzi son illərdə dünyanın aparıcı onkologiya mərkəzləri ilə, habelə onkoloji xəstələrin müalicəsi üçün zəruri olan ən yeni texnologiyalar istehsal edən şirkətlərlə sıx əməkdaşlıq edir. Məsələn, 2015-ci ilin noyabrında Azərbaycan MOM ilə M.D.Anderson adına Onkoloji Mərkəz (M.D. Anderson Cancer Center, ABŞ) arasında uzunmüddətli əməkdaşlıq haqqında müqavilə imzalanıb. Müqaviləyə əsasən MOM-un mütəxəssisləri Amerika Onkoloji Mərkəzindən olan həmkarları ilə birgə elmi araşdırmalar və klinik tədqiqatlar aparırlar. ASCO nümayəndələri MOM-da aparılan tədqiqatlarla tanış olaraq yəqin ediblər ki, burada çox mürəkkəb cərrahiyyə əməliyyatları, habelə ciddi elmi axtarışlar aparılır.

Bütün bu tanışlıq və xoş təəssüratlardan sonra biz - ASCO nümayəndələri Milli Onkologiya Mərkəzi ilə əməkdaşlıq haqqında müqavilə imzalamaq niyyətində olduğumuzu bildirmişik və bununla qürur duyuruq”. 

Facebook'da Paylaş                                                                           Tarix: 17-09-2018, 11:59   Oxunub: 77