Bakı məktəbində 6-cı sinif şagirdi qaz balonu tətbiq etdi, 8 şagird xəstəxanaya aparıldı




Hövsan qəsəbəsindəki 76 saylı məktəbdə uşaqların üzünə gözyaşardıcı qaz balonu püskürdən şagird 6-cı sinifdə təhsil alır.
Məktəbdən virtualaz.org-a bildiriblər ki, uşaq qaz balonunu atasından aldığını deyib. Hadisə həm şagird və müəllimlər, həm də valideynlər arasında təşvişə səbəb olub. Çoxları qaz balonunun partladığını, uşaqların ciddi xəsarət aldığını zənn edib.
Hadisə yerinə 5 təcili yardım çağırılıb. Hazırda 2-si oğlan, 7-si qız olmaqla uşaqlar Respublika Toksikologiya Mərkəzinə yerləşdiriliblər. Mayenin təsiri 2 saata keçir, buna baxmayaraq, uşaqların gözü yuyulub, tibbi xidmət göstərilib.
*   *   *11:55
Hövsan qəsəbəsindəki 76 saylı məktəbdə şagirdlərdən biri sinifə gözyaşardıcı qaz balonu gətirərək sinif yoldaşlarının üzünə püskürdüb. Nəticədə 8 uşaq xəsarət alıb.
Bu barədə məlumatı virtualaz.org-a Səhiyyə Nazirliyi mətbuat xidmətinin rəhbəri Pərviz Abubəkirov verib.
Onun sözlərinə görə, hadisə yerinə təcili yardım briqadası cəlb edilib. Uşaqlara ilkin tibbi yardım göstəriləndən sonra xəstəxanaya aparıblar.
“Qaz balonu istiotlu olduğundan yandırıcı təsir göstərir, amma gözlər yuyulacaq. Hazırda uşaqların vəziyyəti normaldır. Zərər çəkənlər 10-12 yaşlı uşaqlardır”, -xidmət rəhbəri əlavə edib.
Ülviyyə Xudiyeva
Virtualaz.org

Facebook'da Paylaş                                                                           Tarix: 10-10-2018, 11:19   Oxunub: 89