Putin Paşinyanı devirmək üçün HƏRƏKƏTƏ KEÇDİ: Qagikdən QƏFİL GEDİŞ



Putin Paşinyanı devirmək üçün HƏRƏKƏTƏ KEÇDİ: Qagikdən QƏFİL GEDİŞ
Rusiya Nikol Paşinyanı devirmək üçün hərəkətə keçib.

Publika.az
 xəbər verir ki, Ermənistan mediası parlamentdə “Sarukyan” blokunun lideri Qagik Sarukyanın Moskvaya qəfil səfərinin İrəvanda yeni çevrilişə hazırlıq olduğunu yazıb.

Erməni şərhçi Qarnik Qevorqyan yazır ki, Sarukyan Moskvada Rusiya hakimiyyətinin yüksəkvəzifəli nümayəndələri ilə görüşüb.

“Maraqlıdır ki, Sarukyanın Moskvaya qəfil səfəri hökumətin proqramını açıqlayacağı haqqında bəyanatından sonra oldu. Proqramda növbədənkənar parlament seçkilərinin keçiriləcəyi qeyd olunur. Böyük ehtimalla Sarukyanın Moskvaya gedişini seçkiqabağı səfər saymaq olar. O, seçkilərdə Rusiyanın mövqeyini dəqiqləşdirmək, yeni reallıqda digər rusiyayönümlü gücləri birləşdirmək və digər hədəflərlə bağlı müzakirə aparıb. Ermənistandakı inqilab təkcə Sarkisyanı hakimiyyətdən məhrum etmədi, həm də Rusiya təsirini azaltdı. İndi növbədənkənar parlament seçkilərində təkcə erməni siyasi qüvvələr yox, həm də Moskva hazırlanır. Yaxın vaxtlarda Ermənistandakı rusiyayönümlü qüvvələrlə əməkdaşlıq güclənəcək. Bu baxımdan, Sarukyanın ilk olaraq Moskvaya getməsi təsadüfi deyil. Sarukyan Rusiya rəhbərliyi, eləcə də Belarus prezidenti Aleksandr Lukaşenko ilə yaxşı münasibətləri var. Həmçinin, o, Robert Koçaryan kimi hakimiyyətin dayaqlarından biridir. Yəni Sarukyan Ermənistanda Rusiyanın dayaqlarından biri hesab olunur”, - deyə o bildirib.

Q. Qevorqyan Sarukyanın Moskva səfərindən sonra Ermənistanın daxili siyasətində dəyişikliklərin olacağını qeyd edib: “Həmçinin görünən odur ki, Moskva təkcə Sarukyan və Respublika Partiyası ilə deyil, ölkə daxilində bir neçə subyektlə işləyəcək. Ötən illərin təcrübəsi bunu təsdiqləyir. Sadəcə olaraq, Rusiya seçkilərə qədər mövcud Paşinyan hakimiyyəti ilə işləyəcək, seçkilərdə isə öz qüvvələrinə dəstək verəcək. Paşinyanı devirmək üçün yaxın günlərdə Ermənistandakı rus qüvvələri hərəkətə keçəcək”.

Asif


Facebook'da Paylaş                                                                           Tarix: 7-06-2018, 14:44   Oxunub: 1 331