"Ramiz Mehdiyevin ardıcılları hələ meydan sulamaqdadırlar"- Elxan Şahinoğlu
Koronavirusa yoluxanların sayı açıqlandı - ölüm faktı qeydə alınmayıb
Sabah İranda prezident seçkiləridir: - Azərbaycan türkləri kimə “hə” deyəcək?
Azərbaycanla Türkiyə beşinci nəsil silahlar istehsal edəcək- ŞƏRH
“Ermənilər hər cür təxribata əl atacaq”
07.06.2021 18:31
Bölmə:Siyasət 89 dəfə oxunub

“Hesab edirəm ki, Ermənistan Silahlı Qüvvələrinin polkovniki Koryun Qumaşyan çıxışı daha çox şantaja oxşayır”.

Versiya.az xəbər verir ki, bunu Qaynarinfo.az-a açıqlamasında politoloq, sabiq xarici işlər naziri Tofiq Zülfüqarov Ermənistan Silahlı Qüvvələrinin polkovniki Koryun Qumaşyanən işğaldan azad olunan Kəlbəcər və Laçın rayonlarının sərhədə yaxın ərazilərində 17 maşın mina basdırdıqları ilə bağlı etirafını şərh edərkən deyib.

Politoloqun fikrincə, Ermənistan prosesi dayandırmaq üçün bütün vasitələrə əl atacaq: “Ermənilər üçün ən təhlükəli məqam vətəndaşların Kəlbəcər rayonuna qayıtması və ərazinin tam olaraq Azərbaycanın nəzarətinə keçməsidir. Bu baxımdan onlar başa düşür ki, Qarabağ bölgəsində yaşayan ermənilər izolyasiya vəziyyətinə düşəcəklər. Ermənilər hər bir vasitəyə əl atırlar ki, bu prosesi ya dayandırsınlar, ya da ləngitsinlər”.

Tofiq Zülfüqarov qeyd edib ki, 17 maşın mina sadəcə sıradan olan bir bəyanatdır.

Xatırladaq ki, Ermənistan Silahlı Qüvvələrinin polkovniki Koryun Qumaşyan işğaldan azad olunan Kəlbəcər və Laçın rayonlarının sərhədə yaxın ərazilərində 17 yük maşını mina basdırdıqlarını etiraf edib.

reklam