Son 5 ildə Azərbaycanda əkin sahələri 10,6 faiz azalıb.

Versiya.az Dövlət Statistika Komitəsinə istinadən xəbər verir ki, 2019-cu ildə 1 milyon 717 min hektar əkin sahəsi olduğu halda 2023-cü ildə bu rəqəm 1 milyon 535 min hektara düşüb.

Əkin sahələrinin 61,8 faizində dənli və paxlalı bitkilər, 22,6 faizində yemlik bitkilər, 8,3 faizində kartof, tərəvəz və bostan bitkiləri, 7,3 faizində texniki bitkilər əkilir.

Ötən müddətdə dənli və paxlalı bitkiləri əkin sahəsi 11,6 faiz, pambıq sahələri 6,3 faiz, tütün sahələri 12,9 faiz azalıb.

Eyni zamanda kartof sahələrində azalma 13 faiz, tərəvəzdə 11,8 faiz, bostan bitkiləri üzrə 19,6 faiz təşkil edir.

2008-ci ildən indiyədək ölkə üzrə əkin sahələrinin ən yüksək səviyyəsi 2018-ci ildə qeydə alınıb- 1 milyon 738 min hektar.

Həmin ildən indyədək 2021-ci il istisna olnmaqla əkin sahələrinin həcmi azalamağa doğru gedib.